Општи информации

Центарот за медицина екологија и истражување МЕРЦ e невладина, непартиска и непрофитна организација, регистрирана по законот за здруженија на граѓани Јануари 2010 година.

Организациска структура

МЕРЦ функционира под водство на управен одбор од 5 члена, експерти во различни области и извршна функција – претседател. Персоналот на МЕРЦ се состои од програмски директор, проект менаџер, медицински координатор, ДОП мониторинг лице, правен офицер и сметководство. Активностите на МЕРЦ се поддржани од голем број волонтери и членови на МЕРЦ кои работат на доброволна основа. Низ овие години МЕРЦ е во постојан процес на надоградување, подобрување и постојано менување. Изминатиот период не збогати со значано искуство во полето во кое дејствуваме.

Нашата мисија

МЕРЦ е невладина, непрофитна организација на граѓани која работи на подобрување на квалитетот на живот на граѓаните во Македонија, преку истражувања и проекти од областа на здравјето на луѓето и животната средина, со активно учество во креирањето на политиката во областа на здравството, здравствената едукација и екологијата.

Нејзината мисија МЕРЦ ја реализира преку различни програми и истражувачки проекти ориентирани кон заедницата, со цел да се имплементираат одредени политики и поддршка на централната и локалната власт во нивната комуникација и соработка со бизнис секторот и невладините организации. Усогласување со Европските стандарди во областа на здравството и екологијата претставува наш патоказ.

Нашата визија

МЕРЦ е препознатлив партнер на државните институции на локално и на централно ниво во процесот на креирање политики кои директно влијаат на квалитетот на животот во социјалниот и здравствениот систем и негово усогласување со Европската Унија. МЕРЦ е призната организација на регионално и европско ниво и стратешки партнер на други невладини организации од европските земји.