Повод за настанот “Син Камен Мост” во организација на МЕРЦ беше Blue Monument Challendge по повод Светскиот ден на дијабетесот 14 Ноември. Истиот беше поддржан Ново Нордиск Фарма и град Скопје.

Светскиот ден на дијабетес е официјален на Обединетите нации. Се слави секоја година на 14 ноември. Датумот беше избран поради тоа што го одбележува роденденот на Фредерик Бентинг, кој заедно со Чарлс Бест, е заслужен за откривањето на инсулинот во 1921 година. Светскиот Ден на Дијабетес е претставен со логото син круг. Синиот круг е глобален симбол на дијабетес и го означува единството на глобалната дијабетес заедница во одговор на дијабетес пандемија.Светскиот Ден на Дијабетес беше креиран од страна на Меѓународната федерација за дијабетес (IDF) и Светската здравствена организација (СЗО) во 1991 година, како одговор на загриженоста поради зголемената инциденца на дијабетес во светот.

Дијабетес– едукација и превенција е тема за светскиот ден во периодот 2009-2013 година. Кампањата ги повикува сите оние кои се одговорни за грижата на болните од диајбетес , за да се разбере дијабетесот и да се преземе контролата врз него. За луѓето со дијабетес, ова е порака за зајакнување преку едукација. За владите, тоа е повик за спроведување на ефективни стратегии и политики за превенција и справување со дијабетесот. За здравствените работници, тоа е повик да се подобри знаењето, така што препораките базирана на докази да се стави во пракса. За општата јавност, тоа е повик да се разбере сериозно влијанието на дијабетесот и да знаат како да се избегне или одложи дијабетесот и неговите компликации.

“Скопје и Р.Македонија за прв пат учествуваа во предизвикот на осветлување на значајни објекти во сина боја по повод светскиот ден на дијабетесот”

На денот беа подготвени и распределени 1000 промотивни флаери, постери, беџеви и друг промотивен материјал со едукативни пораки со информации за препознавање и превенирање на дијабетес.

Главната порака на денот беше ” Превземи контрола на дијабетесот веднаш!” Во 2010 година беа осветлени 700 монументи во 76 земји. Во 2015 бројот на земји учеснички изнесува 86 со повеќе од 1000 осветлени објекти/споменици.

МЕРЦ и понатаму  има активности поврзани со дијабетесот, чие рано препознавање, превенција и третман се од особен интерес во нашата работа.